Home Uncategorized Ndodh edhe kjo! Vidhet lopa në Gjilan, i kthehet e prerë familjes

Ndodh edhe kjo! Vidhet lopa në Gjilan, i kthehet e prerë familjes

45
Advertisement

Blegtori nga Shillova e Gjilanit, Shemsedin Arifi, ishte cak i hajnave, duke iu vjedhur kështu lopa që e kishte blerë së fundmi.

Ai tha se lopën ia kishin vjedhur mëngjesin e ditës së djeshme.

Megjithatë e gjeti pak orë më vonë në Përlepnicë, por fatkeqësisht jo gjallë, njofton Klan Kosova.

“E gjeta, duke i përcjell gjurmët kah ka ecur lopa, e gjeta në gjendje të masakruar, të prerë”, tha Arifi.

Megjithatë, hajnat nuk arritën ta merrnin mishin me vete.

Zëdhënësi i Policisë për rajonin e Gjilanit, Ismet Hashani, tha se forcat e rendit dolën në terren dhe arrestuan një person, derisa edhe dy të tjerë janë shpallur në kërkim.

Mishi i është kthyer familjes Arifi, por sipas kryefamiljarit, kjo nuk është hera e parë që vizitohen nga hajnat.