Home Uncategorized Veteranët protestojnë më 12 qershor

Veteranët protestojnë më 12 qershor

36
Advertisement

OVL e UÇK-së organizon aktivitet protestues më 12 qershor: Qeveria po e akuzon UÇK-në.

Organizata e Veteranëve të Luftës së UÇK-së sot ka mbajtur mbledhje pas arrestimit dhe lirimit të veteranit Faik Fazliu. OVL, përmes një komunikate për media ka thënë se institucionet e Kosovës kanë dalë jashtë vlerave kombëtare.

OVL e UÇK-së ka njoftuar se më 12 qershor do të mbahet protestë, ndërsa është thënë se kryeministri Albin Kurti dhe ministrat Donika Gërvalla e Xhelal Sveçla po e akuzojnë UÇK-në, raporton Gazeta Express.

Komunikata e plotë e OVL-së së UÇK-së:

Kryesia e Organizatës së Veteranëve të Luftës së UÇK-së, në mbledhjen e mbajtur sot më 7 qershor 2021, diskutoj për situatën aktuale në Kosovë dhe del me këto qëndrime me të cilat i drejtohet opinionit publik:

Të gjithë e kemi të ditur se Institucionet e Kosovës kanë dalë hapur jashtë vlerave kombëtare;

Kohë më parë, vërehet tendencë e akuzave ndaj krerëve të UÇK-së, që nga Kryeministri Kurti, Ministrja e Jashtme Gërvalla-Schwarz, e tani Ministri i Brendshëm Sfeçla;

Rasti i arrestimit dhe dhunës së ushtruar ndaj Faik Fazliut, nuk duhet të trajtohet vetëm nga OVL e UÇK-së, por edhe nga partitë, e si çështje t’i mbetet organeve të drejtësisë dhe ne e respektojmë çdo vendim të tyre;

Me datën 12 Qershor 2021 do të ketë aktivitet protestues, për kohën dhe vendin do të njoftoheni.